Амангелді Айталы: Қуаныш Сұлтановты сыйлаймын да, аяймын да
Печать: Шрифт: Абв Абв Абв
danilov 25 Ноября 2016 в 13:56:41
Депутаттардың елордаға Нұрсұлтан Назарбаевтың есімін берейік деген ұсынысына философия ғылымдарының докторы, профессор, экс-депутат Амангелді Айталы өз пікірін білдірді деп хабарлайды NUR.KZ.

"Ел билеушілерін мақтауға да, сынауға да негіз жетіп артылады. Қазақстан парламентінің Тәуелсіздіктің 25-жылына байланысты Декларациясын бірлескен отырыста қабылдағанын көргенде, 18-ші ғасырдағы француз философы Клод Гельвецийдің көреген сөздері есіме түсті: «Өз билеушілерін бетіне басып сынауға құқы жоқ халықтардың, мақтауға да құқы жоқ. Құлдардың мақтауы ештеңені де білдірмейді».

Біздің осы парламент президентті сынап көрген емес, оны демек оны мақтауға да хұқы жоқ. Себебі әділ сын барды бар деп, жоқты жоқ деп саралап баға береді.

Мен Қуаныш Сұлтановты сыйлаймын да, аяймын да. Ол Дінмұхамед Қонаевты тақта отырғанда мақтап, тақтан түскенде Колбинге ұнаймын деп сынағандардың бірі. Қазақстан Компартиясы Орталық комитетінің VІІІ (1987ж.) пленумында іс пен сөздің алшақтығын, саяси сенімнің төмендігі, саяси тәкәпарлық, менмендік, құр мадақ биліктің беделін түсіретіндігін айта келіп, Қуаныш Сұлтанов былай деген еді: «Осы тұста менің ойыма мынадай сұрақ оралады: бірінші басшылықтың атағын аспанға көтерген кім? Көптеген белгілі басшылар, өздері Орталық комитеттің мүшелері, жылдан жылға үдете түсті, әуелі «құрметтіден» бастап, сонан соң не себепті «аса құрметтіге», одан кейін «көрнекті қайраткерге» айналдырды? Халықтың арасында қандай пікір туғызды, жастарға қандай үлгі көрсетті?». («Социалистік Қазақстан», 17март, 1987жыл.)

Ал президентті жарыса мақтаған депутаттар бүгін жастарға қандай үлгі көрсетіп отыр?

«Құлдардың мақтағаны ештеңені де білдірмейді» деген осы емес пе? Қазақстандықтар Нұрсұлтан Әбішұлының еңбегіне шын бағасын береді, бірақ жарамсақтардың мақтауын халық қабылдамайды. Президент те қабылдамас деймін. Мақтау психологиялық шегінен шыққанда мадақтаған тұлғаға да жағымсыз пікір тудырады, мақтатып отыр дегендей ой қалдырады, айналып келгенде беделіне де көлеңке түсіреді. Осыдан табынусыз мәдениет болмайды, ал мәдениетсіз табыну қауіп деген сөз шыққан.

Қазіргі жастар ақпараттық заманның жастары, өзімізді өзгемен салыстырып бағалайды, арзан сөзде алданбайды. Тарихи тұлғаның беделін бағалау мен оған табынудың арасын айыра білу саяси мәдениеті бізге жетпей жатыр", - дейді профессор.

Еске сала кетейік, Астанаға Назарбаевтың атын беру туралы ұсыныс көпшілік арасында қызу талқылануда. Бекболат Тілеухан бастаған мәжіліс депутаттары бұл ұсынысты қолдап отыр. Елбасының өзі де осыған қатысты пікірін айтқан болатын.

Ал танымал айтыскер ақын Балғынбек Имашев Астананың атын өзгертуге қатысты өз пікірін білдіріп, бұл бастаманы қолдамайтынын айтқан.

https://www.nur.kz/kk/1328458-amangeldi-aytaly-quanysh-sultanovty-s.html
Комментарии, по рейтингу, по дате
  bolatbol 25.11.2016 в 15:24:37   # 561912
Адам өмірге бір-ақ рет келеді. Сол өмірді адам болып өту керек. Жағымпаздық, арамдық, қулық жаман қасиеттер, оны білу керек, абыройлы болып, тектілікті сақтап, балаларыңа тәрбие беріп, үлгі болып кету керек. Көргенді бала дұрыс жолдан таймайды.
  bIP6bIC 25.11.2016 в 15:39:49   # 561915
Можно перевод статьи?
  Livi 25.11.2016 в 16:09:15   # 561926
перевод бы не помешал
  РусланY 25.11.2016 в 16:35:52   # 561935
Quote:
«Өз билеушілерін бетіне басып сынауға құқы жоқ халықтардың, мақтауға да құқы жоқ. Құлдардың мақтауы ештеңені де білдірмейді».

короткий перевод, но со смыслом - не имеющий возможности (или свободы) на критику управленца так же не имеют право (или возможности) на похвалу управляющего. Похвала раба не имеет смысла.
  РусланY 25.11.2016 в 16:37:03   # 561936
то есть - умеешь хвалить, то умей критиковать, типа не все идеальны короче.
  bozon house 25.11.2016 в 16:40:26   # 561937
Quote:
Похвала раба не имеет смысла.
Отчего же не иметь любимого рабовладельца, маса?
  Saturn 26.11.2016 в 04:43:54   # 562049
Цитата: РусланY от 25.11.2016 16:35:52
Quote:
«Өз билеушілерін бетіне басып сынауға құқы жоқ халықтардың, мақтауға да құқы жоқ. Құлдардың мақтауы ештеңені де білдірмейді».

короткий перевод, но со смыслом - не имеющий возможности (или свободы) на критику управленца так же не имеют право (или возможности) на похвалу управляющего. Похвала раба не имеет смысла.

Шикарно сказано!!!
Добавить сообщение
Чтобы добавлять комментарии зарeгиcтрирyйтeсь